Sikop ang usa ka senior citizen nga c Alyas Lolong, 60 anyos residente sa Purok Sampaguita, Brgy. Olingan, Dipolog City. Human kining nalutsan og Warrant of Arrest sa gipahigayon nga Law Enforcement Operation sa Sitio Igot, Brgy. Estaka,ning dakbayan sa Dipolog.
Ang pagkadakop gihimo pinaagi sa Warrant of Arrest nga giisyu ni Nestor Rabulan Angeles, Presiding Judge, Regional Trial Court, 9th Judicial Region, Branch 3, Dipolog City, pinetsahan kaniadtong Mayo 26, 2025 tungod sa kasong Qualified Rape of Minor ilalom sa (criminal case no. 28022), ug walay kiniy gika rekomindar nga pyansa.
Matud pa aduna kini duha ka ihap sa Sexual Assault ilalom sa art. 266 a (2) in relation to sec. 5(b) sa RA 7610 adunay (criminal case nos. 28021 & 28023), ug adunay girekumendar nga pyansa nga nagkantidad og php200,000.00 matag ihap sa kaso.
Duha ka ihap sa Acts of Lasciviousness ilalom sa Art. 336 sa RPc in relation to section 5 (b) of RA 7610 og adunay (criminal case nos. 28024 & 28025), og adunay girekumendar nga pyansa sa kantidad nga php180,000.00 matag ihap sa kaso.
Ang pagkasikop gipangunahan ug gipanguluhan sa mga Dipolog City Police Station uban sa koordinasyon sa 1st Zamboanga Del Norte Provincial Mobile Force Company (ZNPMFC) ug sa Zamboanga Del Norte Provincial Intelligence Unit (ZNPIU), hinungdan sa pagkasikop sa Top Most Wanted Person ning probinsya sa Zamboanga del Norte.
Matud pa ni Pltcol Edwin D Verzon, hepe sa Dipolog City Police Station ang maong kalampusan nagpakita lamang sa walay puas nga commitment sa ahensya, diin gi siguro sa mga kapolisan ang kaluwasan ug seguridad sa katawhan ingon man sa kahapsay sa kumunidad.(Angelica T. Obina)
CTTO: Dipolog City Police Station ZNPPO