Malampusong nasikop sa mga personahe sa PNP sa Liloy Municipal Police Station ug sa koordinasyon ni Mr. Emeliano A. Sularte, representante sa Municipal Agriculture’s Office sa LGU-Liloy, ang usa ka 23 anyos nga lalaki mga 9:50 ang takna sa kabuntagon, Mayo 25,2025,didto sa Barangay Banigan, Liloy, Zamboanga del Norte.
Naila ang dinakpan nga usa ka 23 anyos ,lalaki ug residente sa nasangpit nga Barangay,kinsa nadakpan tungod sa paglapas sa Municipal Ordinance No. 214-2012, Section 48 tungod sa Pagpangisda nga walay Permit.
Atol sa operasyon sa coastal patrol, nakompiskar sa mga awtoridad ang Usa ka puti/asul nga motorized pump boat ug Usa ka pukot sa isda nga adunay kinatibuk-ang gibana-bana nga kantidad sa mga butang nga mobalor sa Php 30,000.00.
Ang mga nasakmit nga butang itugyan ngadto sa Bureau of Fisheries and Aquatic Resources (BFAR) alang sa tukmang disposasyon.(MEDALYN U. BORJA)
Source: ZNPPO