Gidala sa balay tambalanan ang usa ka 40 anyos nga Lalaki lumulupyo sa Purok 8 Barangay Ma. Uray, Dapitan City, Zamboanga Del Norte, human kining gisumbag sa 24 anyos nga lalaki lumulupyo sa Purok 6 sa nasangpit nga Barangay.
Matud pa sa imbestigasyon sa mga kapolisan sa dihang ga tagay ang biktima sa waiting shed, duol sa usa ka tindahan uban sa iyang mga barkada, kalit lamang kining giduol sa suspect og gisumbag sa makadaghang higayon, hinungdan nga nakaangkon og samad sa ulo, lakip ang mga lacerations.
Human sa maong panghitabo usa ka nagpakabana nga lumad ang nagpahibalo sa kapolisan ug dali gilayon nga girespondehan ug gidala sa tambalanan para sa medikal nga atensyon.
Sa pagkakaron ang biktima anaa na sa Dr. Jose Rizal Memorial Hospital, sa iyang pagpaalim sa mga bun-og sa kalawasan.
Ang suspetsado temporaryo nang gikustudya sa Dapitan City Police Station ug mag atubang na sa kasong ipahamtang batok kaniya.(Angelica T. Obina)
Source: ZNPPO