Dipolog: Senior Citizen sa Kalawit, first place sa Folk Dance Contest

0
9

Nakuha sa senior citizen sa lungsod sa Kalawit ang first place tali sa 21 ka mga senior citizen dancers sa mga lungsod sa Zamboanga del Norte sa gipahigayong Folk Dance Contest subay sa Provincial Senior Citizen Forum sa pagsaulog sa Elderly Filipino Week gipasiugdahan sa buhatan sa Provincial Social Welfare and Development Office (PSWDO) kaniadtong Oktubre 15 niining tuiga.

Kini gipahigayon sa sulod sa Zamboanga del Norte Convention and Sports Center ning dakbayan sa Dipolog.

Ang mananayaw nga senior citizen sa Kalawit, nakadawat sa premyo nga P5,000 cash. Samtang ang anaa sa second place lungsod sa Sibutad nga nakadawat P4,000 cash, third place ang lungsod sa La Libertad nga nakadawat og P3,000 cash, 4th place lungsod sa Siayan P2,500 cash ug 5th place ang mananayaw sa syudad sa Dipolog nga nakadawat ug P2,000 cash.

Dugang niini, ang mga mananaog nakadawat usab og certificates ug ang matag performer, aduna usay nadawat nga 5 kls. nga bugas.
(Source: PIC Zanorte)

Leave a Reply