Nagbadyet ti Ilocos Norte iti umuna a PHP2.8 milion para iti juris doctor scholarship program para iti di kumurang a 16 nga estudiante iti linteg ita a 2023.
Inaprobaran ti Sangguniang Panlalawigan (Provincial Board) idi Oktubre 9 ti programa ti scholarship, a mangted kadagiti benepisiario iti PHP5,000 a binulan nga allowance.
Iti babaen ti scholarship program, kasapulan nga agserbi dagiti benepisiario iti gobierno probinsial iti dua a tawen kalpasan a makapasada iti Bar exams.
kinuna ni Governor Matthew Joseph Manotoc, a nailatang ti pondo sakbay ti pananganamong ti Provincial Board gapu ta panggep ti gobierno ti mangala iti ad-adu pay nga abogado.
Kinuna met ni Provincial Board Member Saul Paulo Lazo, babaen iti scholarship grant, namnamaenda a matulongan dagiti interesado a mangala iti linteg ken tumulong iti pannakarisut dagiti nakaad-adu a pending cases iti korte. (April Joyce Gonzales)