LEON B. POSTIGO, ZAMBOANGA DEL NORTE — Gitabangan sa EMS personnel sa Leon B. Postigo Municipal Fire Station ang usa ka 60-anyos nga lalaki nga niduol sa ilang team sa Integrated Bus Terminal tungod sa kalit nga paglibog ug kabug-at sa pamati sa dughan.
Sumala sa report, anaa sa lugar ang EMS isip standby medic sa First Aid Service Team (FAST) sa dihang niduol ang pasyente nga adunay taas nga presyon sa dugo nga miabot sa 160/100 mmHg, ug adunay kasaysayan sa hypertension apan wala makainom sa iyang maintenance nga tambal niadtong adlawa.
Gihatagan dayon og first aid ang pasyente pinaagi sa pagpahimutang sa komportableng posisyon, pagpalma sa iyang pagbati, ug pag-awhag sa hinay nga pagginhawa, samtang gihuboan usab ang hugot nga sinina ug gihatagan og tambag nga moinom og tubig ug magpahulay.
Padayon nga gimonitor sa EMS ang vital signs sa pasyente hangtod siya naka-recover, nga nagpakita sa paspas ug epektibong pagresponde sa mga responder aron maseguro ang kaluwasan sa komunidad.(JENNIFER JR. DELICA)
Source: BFP R9 Leon B. Postigo Fire Station