Malampusong nauli sa tag-iya ang usa ka nawalang cellphone human kini gitugyan sa usa ka matinud-anong residente ngadto sa 1st Zamboanga del Norte Provincial Mobile Force Company.
Sumala sa report, nakit-an ang cellphone sa Barangay Datu Tangkilan ug gidala sa 4th Platoon FOB, diin dayon gihimo ang hustong koordinasyon ug beripikasyon aron mailhan ang tinuod nga tag-iya nga si Jesiel A. Eballar.
Human sa proseso, han-ay nga nauli ang cellphone ngadto sa tag-iya, nga mipadayag og dako nga pasalamat sa mga pulis ug sa responsable nga residente nga mitabang sa pagbalik sa iyang gamit.
Gipasiugda sa kapulisan nga ang maong insidente nagpakita nga buhi gihapon ang pagkamatinud-anon ug panaghiusa sa komunidad, samtang padayon nilang ginapalig-on ang ilang serbisyo uban ang integridad ug dedikasyon.(JENNIFER JR. DELICA)
Source: Zamboanga del Norte 1st Provincial Mobile Force Company