Gipahigayon sa Department of Tourism Region IX ang seminar sa Barrier-Free Tourism: Assisting Persons with Disabilities sa Bamboo Garden, Dipolog City, aron mapalambo ang serbisyo sa sektor sa turismo alang sa mga persons with disabilities.
Gipasiugdahan ni resource speaker Teddy Kahil ang pagbansay nga nagtumong sa paghatag og dugang kahibalo sa mga tourism frontliners sa husto nga pag-atiman ug pagserbisyo sa mga bisita nga adunay kapansanan, isip kabahin sa pagpalambo sa luwas ug inklusibong turismo.
Gitambongan ang seminar sa mga representante sa accommodation ug food establishments, resorts, Dipolog Airport ug Port of Dipolog porters, motorcab drivers, travel and tour operators, ingon man mga frontliners sa City Government of Dipolog. Mitambong usab si Atty. Goldie Love Poculan-Gonzales, Co-Chair sa Dipolog City Tourism Culture and Arts Council.
Pinaagi sa maong inisyatibo, gipalig-on sa Department of Tourism ang kahandam sa mga tourism stakeholders sa paghatag og mas accessible ug patas nga serbisyo alang sa tanang bisita, apil ang mga persons with disabilities.(JENIFFER JR. DELICA)
Source: Dipolog Tourism