Gipalig-on sa Lokal nga Panggamhanan sa Salug ang kampanya sa disaster preparedness isip kabahin sa pagsaulog sa National Disaster Resilience Month 2026 nga may temang, “Naghahanda at Kumikilos Tungo sa Panatag na Bagong Pilipinas.”
Ubos sa pagpanguna ni Mayor Dr. Ruth M. Brillantes ug sa Salug Emergency Response Unit (SALERU), kauban ang Municipal Disaster Risk Reduction and Management Office, gipadayon sa lungsod ang mga programa ug kalihokan nga nagtumong sa pag-andam sa matag barangay ug komunidad sa pag-atubang sa mga kalamidad ug uban pang emerhensiya.
Sumala sa lokal nga panggamhanan, ang kahandam dili lamang responsibilidad sa gobyerno kondili sa tibuok komunidad pinaagi sa panaghiusa, pagtinabangay ug aktibong partisipasyon sa matag Salugnon sa mga kalihokan alang sa kaluwasan.
Pinaagi sa padayon nga pagpangandam ug kooperasyon sa tanang sektor, gitinguha sa Salug nga mapalig-on ang kahimtang sa komunidad aron mas epektibong maatubang ang mga kalamidad ug mapanalipdan ang kinabuhi ug panginabuhian sa katawhan.(JENIFFER JR. DELICA)
Source: Municipality of SALUG