Gilimpyohan sa lokal nga panggamhanan, mga boluntaryo ug mga sakop sa komunidad ang Selinog Island sa Dakbayan sa Dapitan aron mapreserbar ang kalimpyo ug katahum sa usa sa mga nag-unang destinasyon sa turismo sa siyudad.
Gipahigayon ang cleanup drive isip kabahin sa padayon nga kampanya sa pagpanalipod sa kinaiyahan ug pagpalig-on sa responsableng turismo pinaagi sa aktibong partisipasyon sa komunidad.
Gipasalamatan ni Dapitan City Mayor Belen T. Uy ang tanang boluntaryo nga miapil sa kalihokan, nga matud pa niya nagpakita sa espiritu sa panaghiusa ug responsibilidad sa pag-atiman sa kinaiyahan.
Gipasiugda usab sa lokal nga panggamhanan nga ang maong inisyatiba kabahin sa ilang paningkamot aron mapadayon ang kalimpyo ug kaanindot sa Selinog Island ug masiguro nga mapreserbar kini alang sa umaabot nga mga henerasyon.(JENIFFER JR. DELICA)
Source: Mayor Belen Uy