Nakigpulong ang Bureau of Fire Protection ug Philippine Coast Guard aron mapalig-on pa ang ilang panagtambayayong sa paghatag og mas episyenteng serbisyo alang sa kaluwasan sa publiko niadtong Hulyo 2.
Gipangulohan ni FSUPT Richard C. Timosa, DSC, Acting Provincial Fire Marshal sa Zamboanga del Norte, ang courtesy visit kang CDR Romel B. Dua, Commander sa Coast Guard Station Zamboanga del Norte, isip kabahin sa pagpatuman sa Memorandum of Understanding tali sa duha ka ahensya.
Gihisgutan sa miting ang dugang nga koordinasyon sa pagtubag sa mga emerhensiya sa kadagatan, search and rescue operations, firefighting sa mga pantalan, pagdumala sa hazardous materials o HAZMAT incidents, ingon man sa cross-training ug capacity building sa mga personnel.
Sumala sa duha ka ahensya, ang mas lig-on nga panagtambayayong makatabang sa pagpalambo sa disaster response ug humanitarian assistance aron mas mapanalipdan ang kinabuhi ug kabtangan sa katawhan.(JENIFFER JR. DELICA)
Source: BFP R9 Zamboanga del Norte Provincial Office