Gidala sa Dr. Jose Rizal Memorial Hospital ang usa ka lalaki human kini maangol sa aksidente sa sakyanan sa Lawaan, Banonong, Dapitan City niadtong Hulyo 5.
Mitabang dayon ang Shift B EMS personnel sa Dapitan City Fire Station ubos sa pagpanguna ni FSINSP Rommel M. Rojas, REE, Acting City Fire Marshal. Sa ilang pag-abot sa lugar, ilang gisusi ang kahimtang sa biktima ug nakaplagan nga adunay panimuot apan adunay hubag sa wala nga paa nga gituohang nabali tungod sa aksidente.
Gihatagan dayon og unang tabang ang biktima pinaagi sa pagbutang kaniya sa husto nga posisyon ug pagtaod og splint sa naangol nga paa aron dili na kini madugang og kadaot. Gisusi usab sa mga responder ang sirkulasyon sa dugo ug kahimtang sa samad sa wala pa kini ibalhin.
Human mapalig-on ang iyang kahimtang, luwas nga gidala ang pasyente sa ambulansya sa Bureau of Fire Protection ngadto sa Dr. Jose Rizal Memorial Hospital alang sa dugang eksaminasyon ug pagtambal.(JENIFFER JR. DELICA)
Source: BFP R9 Dapitan City Fire Station