Nagpahigayon og Gender and Development (GAD) Self-Defense Orientation ang Bureau of Jail Management and Penology pinaagi sa Siocon District Jail niadtong Marso 6, 2026 sa Southcom Elementary School sa Upper Calarian, Zamboanga City.
Ang kalihokan gipangunahan ni Acting Jail Warden Achmed Aziz A. Pia, diin gitudloan ang mga partisipante sa batakang self-defense techniques ug safety awareness aron mapalig-on ang ilang kahibalo sa pagpanalipod sa kaugalingon sa mga delikadong sitwasyon.
Gipahigayon ang orientation ni Manny C. Pascua sa STAR Team, ug gitambongan sa 50 ka elementary teachers ug usa ka representante sa Supreme Elementary Learner Government. Tumong sa kalihokan nga mapalambo ang personal nga seguridad, kumpiyansa sa kaugalingon, ug pagsuporta sa gender equality sulod sa komunidad sa eskwelahan.
Nahimong posible ang kalihokan pinaagi sa koordinasyon ni School Principal Teresito B. Apolinario ug GAD Coordinator Mae T. Maarim, uban sa tabang ni Shiela Mae T. Daes nga mitabang aron malampuson nga mapahigayon ang maong orientation.(JENIFFER JR. DELICA)
Source: Siocon District Jail- BJMPR9