Nagpadayon sa paghatag og tabang ang Bureau of Fire Protection pinaagi sa Katipunan Municipal Fire Station ngadto sa mga biktima sa sunog sa Barangay Balok, Katipunan, Zamboanga del Norte niadtong Marso 7, 2026.
Ubos sa liderato ni Acting Municipal Fire Marshal Richard A. Parame, naghatag og pagkaon ug uban pang pangunang panginahanglan ang mga personnel sa BFP aron masuportahan ang mga pamilya nga naapektuhan sa sunog.
Tumong sa maong inisyatiba ang pagtabang sa mga biktima samtang sila nagbangon pag-usab gikan sa kalamidad, ug paghatag og gamayng kahupayan sa ilang kahimtang human sa nahitabong sunog.
Sumala sa BFP, ang maong aksyon nagpakita sa ilang padayon nga pasalig sa pag-alagad sa komunidad, dili lamang sa pagresponde sa sunog kondili usab sa pagtabang sa mga katawhang naapektuhan niini.(JENIFFER JR. DELICA)
Source: BFP R9 Katipunan Fire Station