Paspas nga miresponde sa nahitabong medikal nga emerhensya ang mga personahe gikan sa Labason Municipal Fire Station EMS Duty Personnel, didto sa Barangay Gabu, Labason, Zamboanga del Norte, niadtong Marso 6,2026.
Ang pag responde gihimo ubos sa direktang pagdumala ni FINSP JOEL S SABIJON, Acting Municipal Fire Marshal, nga nimando sa dinliang pagresponde gilayon sa lugar sa gikatahoang adunay emerhensya
Sa pag-abot sa dapit, gisiguro sa responding team nga luwas ug didto gipahigayon dayon sa team ang assessment sa usa (1) ka lalaki nga biktima.
Namatikdan kini nga walay panimuot ug nasayran nga ang pasyenteng biktima gidudahang lango sa ilimnong makahubog apan morag hubog.
Sa inisyal nga assessment, nasayran nga nahagba ang biktima ug nakaangkon og samad dinunggaban tungod sa kaugalingong kutsilyo nga iyang gibitbit dihang nahitabo ang insidente ug nakita nga nagkadugo ang tuo nga bahin sa kilid niini.
Gilayon ang mga personahe nihatag ug first aid lakip ang pagkuha blood pressure samtang gisiguro ang kahupayan sa pasyente.
Human sa pasiunang pagtambal, ang pasyente daling gidala sa Labason District Hospital alang sa dugang medikal nga ebalwasyon ug gikinahanglang pagtambal.(MEDALYN U. BORJA)
Source: BFP Labason Fire Station