Gihingusgan sa mga Personahe sa Dapitan City Police Station, ang pagpahigayon og School Visitation and Student Dailogue, maingon man ang Awareness Campaign, diin kini didto gipahigayon sa Napo Integrated School, sa Barangay Napo, Dakbayan sa Dapitan, ning Probinsiya sa Zamboanga Del Norte, niadtong Hulyo 14, 2025.
Gipangunahan ang naasoy nga Aktibidad ni Pssg. Isabelo Jalapadan Jr. inabagan ni Pcpl. Armen Ligaya, diin adunay mga basahon nga gipangtunol ngadto sa mga magtutungha, nga mao ang Information Education Communication (IEC) Material’s, aron ma-edukar ang maong mga estudyante, kabahin sa mga Balaod nga gipatunan ning atong Nasud, maingon man usab aron ilang masayran ang ilang mga katungod, nga angay’ng respetohon ni bisan kinsa, maingon man, dili buot ang mga kapulisan, nga ang mga magtutungha sa nahisgutang Tulonghaan, makasinati sa mga pagpang Bully sa ubang mga Estudyante, nga maoy kasagaran nga nahitabo sa ubang dapit, nga maoy rason nga mo-undang og tungha sa eskwelahan ang mga estudyante.
Gipahinumdom kanila nga adunay balaod sa nasud nga mo Protektar kanila, kon sila makasinati og mga pagpang-abuso, ila lamang ipadangat sa buhatan sa Dapitan City Police Station (DCPS), aron mahatagan og pagtagad ang mao nilang daotan nga kasinatian.(Julius Esmade)