Gipasidunggan sa Municipal Government sa Salug sila Alfred C. Lada ug Angel Molina tungod sa ilang talagsaong nahimo sa natad sa sports ug sa pagdala og dungog sa lungsod sa Salug.
Midawat si Alfred C. Lada og pag-ila human makadaog og silver medal sa 2026 Special Olympics Unified Bocce atol sa Palarong Pambansa, samtang si Angel Molina giila usab isip usa ka Palarong Pambansa qualifier.
Personal nga mitunol si Mayor Dr. Ruth M. Brillantes og cash assistance ngadto sa duha ka atleta isip pagpasalamat ug pag-ila sa ilang dedikasyon, paningkamot, ug kalampusan sa kompetisyon.
Gipahayag sa lokal nga panggamhanan nga ang ilang mga nahimo nagsilbing inspirasyon sa kabatan-onan ug nagpamatuod nga ang kakugi ug determinasyon maoy dalan padulong sa kalampusan.(JENIFFER JR. DELICA)
Source: Municipality of SALUG