Gipahigayon sa Liloy District Jail ang usa ka Eukaristikong Misa aron mapalig-on ang pagtuo ug paglaum sa mga Persons Deprived of Liberty o PDL ubos sa pagpangulo ni JCINSP Joseph Rey M. Lendio.
Gipangunahan ni Rev. Fr. Petronilo A. Bonita, Parish Priest sa Assumption of Mary Parish sa Liloy, ang maong misa nga nagtumong sa paghatag og espiritwal nga giya ug pagdasig sa mga PDL sulod sa pasilidad.
Gawas sa espiritwal nga kalihokan, nag-apod-apod usab og mga gamit panghinlo ang mga boluntaryo isip timaan sa pagpakita og suporta, pag-amuma, ug malasakit ngadto sa mga PDL.
Sumala sa Liloy District Jail, ang maong kalihokan kabahin sa padayong paningkamot sa pagdasig sa positibong kausaban ug paghatag og paglaum sa mga indibidwal nga anaa sa ilang pag-atiman.(JENIFFER JR. DELICA)
Source: Liloy District Jail- BJMPR9