Gipasidunggan sa Department of the Interior and Local Government (DILG) ang Lokal nga Panggamhanan sa Salug isip 2025 Good Financial Housekeeping (GFH) Passer, usa ka pag-ila nga gihatag sa mga lokal nga yunit sa gobyerno nga nagpakita og maayong pagdumala sa pondo ug pagsunod sa mga sumbanan sa accounting ug auditing.
Nagpasabot ang maong pag-ila nga lig-on ang pagpatuman sa lungsod sa transparency, accountability, ug responsableng paggamit sa pondo sa publiko. Gipakita usab niini ang padayon nga paningkamot sa LGU sa paghatag og episyente ug matinud-anong serbisyo ngadto sa katawhan.
Ubos sa pagpangulo ni Mayor Dra. Ruth Maraon Brillantes, ug pinaagi sa hiniusang suporta sa mga opisyal ug empleyado sa munisipyo, nahimong usa ka mahinungdanong kalampusan ang maong pasidungog nga nagpakita sa dedikasyon sa Salug sa maayong pangagamhanan ug sustenableng kalamboan.(IKEN B. GULLEM)
Source: Municipality of Salug