Dugang suporta alang sa kaluwasan ug edukasyon ang nadawat sa Selinog Integrated School sa Barangay Selinog, Dapitan City pinaagi sa donasyon nga fire extinguishers ug school supplies nga gipangunahan sa Bureau of Fire Protection (BFP) Region IX ug mga partner sponsors.
Gitumong kini aron matabangan ang eskwelahan sa pagpalig-on sa fire safety preparedness samtang matubag usab ang pipila sa mga panginahanglanon sa mga estudyante ug magtutudlo sa ilang pag-eskwela.
Nahimong posible ang kalihokan pinaagi sa suporta sa nagkadaiyang pribado ug publikong mga organisasyon nga miambit sa pondo ug kagamitan pinaagi sa PD’s Cup Pickleball Tournament.
Gipili isip benepisyaryo ang Selinog Integrated School tungod sa kahimtang niini isip usa ka eskwelahan nga nahimutang sa Geographically Isolated and Disadvantaged Area (GIDA), diin mas lisod ang pag-abot sa mga serbisyo ilabina panahon sa emerhensya.(IKEN B. GULLEM)
Source: BFP R9 Zamboanga Peninsula Provincial Office