Nangulo ang Department of Public Works and Highways (DPWH) Zamboanga del Norte 2nd District Engineering Office sa pagkompleto sa duha ka asphalt overlay projects sa Sindangan–Siayan–Dumingag–Mahayag Road isip kabahin sa preventive maintenance program sa maong dalan.
Tumong sa proyekto nga mapalawig ang kinabuhi sa existing pavement ug mapugngan ang pag-uswag sa mga dakong kadaot sa maong importanteng mountain road section. Pinaagi niini, mas napalig-on ang kahimtang sa dalan ug mas napanalipdan ang kaluwasan sa mga motorista ug komyuter nga nagbiyahe sa maong ruta.
Sa pagkahuman sa maong mga proyekto, mas komportable na karon ang biyahe sa mga gagamit sa dalan tungod sa mas hapsay, mas luwas, ug mas episyente nga transportasyon. Makatabang usab kini sa mga residente, motorista, ug mga mag-uuma nga nagdala sa ilang mga produkto sa agrikultura padulong sa merkado.
Subay sa pamaagi ni Pangulong Ferdinand Marcos Jr. nga palig-onon ang imprastruktura ug mapaayo ang konektividad sa mga komunidad sa kabukiran, mipadayon ang DPWH sa pagpatuman sa mga road asphalting projects nga maghatag og mas maayong serbisyo sa publiko ug mosuporta sa kalamboan sa mga lugar sa Zamboanga del Norte.(IKEN B. GULLEM)
Source: DPWH REGION IX ZAMBOANGA PENINSULA