Miadto sa Barangay Pukay ug Barangay Pacuhan sa Salug ang mga personnel sa Salug Municipal Police Station aron palig-onon ang relasyon tali sa kapulisan ug komunidad. Gipangunahan ang kalihokan ubos sa liderato ni PMAJ Alexie A. Palisoc, ACOP.
Gipatuman ni PCpl Marc Christian Ajero ug Pat Dennis B. Dangaton, kauban ang usa ka criminology intern gikan sa JRMSU-TC, ang barangay visitation isip kabahin sa padayon nga community engagement sa estasyon. Nakigpulong sila sa mga opisyal ug residente aron maminaw sa ilang kabalaka ug isyu sa kalinaw ug kahapsay.
Tumong sa kalihokan ang paglig-on sa police-community partnership, pag-atubang sa lokal nga peace and order concerns, ug pagpausbaw sa kahibalo sa publiko bahin sa crime prevention ug public safety.
Padayon nga gipalig-on sa Salug MPS ang presensya ug pakig-uban sa komunidad aron masiguro ang malinawon ug luwas nga palibot sa lungsod.(JENIFFER JR. DELICA)
Source: SALUG Municipal Police Station ZNPPO