Nagpadayon ang Salug District Jail sa pagpalig-on sa HAPAG Program o Halina’t Magtanim ng Prutas at Gulay pinaagi sa pag-ani ug pagbaligya sa preskong pechay nga gipatubo sulod sa pasilidad ngadto sa mga konsumidor sa pampublikong merkado.
Ubos sa pagpangulo ni Acting Jail Warden JSINSP Rolly L. Paner, ang maong inisyatiba nagtumong sa pagpalambo sa food sustainability, paghatag og produktibong kalihokan ug kahigayonan sa panginabuhian alang sa mga Persons Deprived of Liberty (PDLs), samtang naghatag usab og presko ug baratuhong utanon sa komunidad.
Pinaagi sa HAPAG Program, gipalambo sa Salug District Jail ang responsableng pagpananom ug produktibong rehabilitasyon sa mga PDL, isip kabahin sa paningkamot sa Bureau of Jail Management and Penology sa pagpalig-on sa kaugalingong produksyon sa pagkaon ug pagserbisyo sa komunidad.(IKEN B. GULLEM)
Source: Salug District Jail-BJMP R9