Nadakpan sa kapolisan ang Top 7 Most Wanted Person sa provincial level atol sa operasyon sa Police Station 7 sa Inayawan, Cebu City, sa hapon sa Hulyo 13, 2026.
Nasikop ang suspek sa Barangay Kalunasan pinaagi sa pagpatuman sa warrant of arrest nga gipangulohan sa mga pulis ubos ni PLT Filomino D. Viquezo Jr., Officer-in-Charge sa Police Station 7.
Ang warrant of arrest gi-isyu sa Regional Trial Court Branch 5 sa Cebu City niadtong Hulyo 2, 2025, alang sa kasong murder ubos sa Article 248 sa Revised Penal Code. Walay piyansa nga gitugot alang sa maong kaso.
Matod sa Cebu City Police Office (CCPO), padayon nilang gipakusog ang pagpangita ug pagdakop sa mga wanted person aron maatubang sa hustisya ang mga adunay kaso.
Gipasalig usab sa CCPO ubos sa Acting City Director PCOL Ricky C. Sumalde ang padayon nga pagpatuman sa balaod aron mapadayon ang kalinaw ug kahapsay sa dakbayan.
I via Renante Socia Lada