Nakigbahin ang Salug District Jail sa tree growing activity nga gipahigayon sa LGU-Salug isip kabahin sa pagsaulog sa Arbor Day Act of 2012, uban sa nagkalain-laing ahensya sa gobyerno ug mga stakeholders.
Ubos sa liderato ni Acting Jail Warden JSINSP Rolly L. Paner, ang maong kalihokan nagpakita sa padayon nga suporta sa buhatan sa mga programa nga nagtumong sa pagpanalipod sa kinaiyahan ug pagpalig-on sa kampanya alang sa mas berde nga komunidad.
Pinaagi sa hiniusang paningkamot sa mga partisipanteng ahensya, gilauman nga mas mapauswag ang kahibalo sa publiko sa kamahinungdanon sa pagtanom og kahoy ug pag-atiman sa kalikupan isip kabahin sa pagbatok sa epekto sa climate change.
Sumala sa Salug District Jail, ang pag-apil sa maong inisyatibo nagpamatuod sa ilang pasalig sa pagpalambo sa usa ka mas himsog, luwas, ug malungtarong palibot alang sa kasamtangan ug umaabot nga mga henerasyon.(JENIFFER JR. DELICA)
Source: Salug District Jail- BJMPR9