Dili lang sa sunog ug emerhensiya andam motubag ang Bureau of Fire Protection (BFP), kondili usab sa pag-alagad sa panglawas sa komunidad.
Kabahin ang usa ka personnel sa BFP-Polanco sa Kuyog Ta Medikal ug Serbisyo Caravan nga gipahigayon sa Barangay San Pedro niadtong Hunyo 25, diin mitabang kini sa pagkuha sa blood pressure sa mga residente sa wala pa sila moagi sa medical consultation ug uban pang libreng serbisyo.
Nakabenepisyo sa maong caravan ang mga lumulupyo sa Barangay San Pedro, Milad, ug Maligaya nga nakadawat og libreng konsultasyon, tambal, ug nagkalain-laing social services.
Ang kalihokan nahimong posible pinaagi sa panagtambayayong sa Provincial Government of Zamboanga del Norte, LGU Polanco, ug mga partner agencies lakip ang BFP-Polanco, aron mas maduol ang batakang serbisyo ngadto sa mga komunidad.(JENIFFER JR. DELICA)
Source: Zamboanga del Norte Provincial News Network