Gipahigayon sa Dapitan City Fire Station ang Fire Square Roadshow sa SHELL-Dapitan Branch sa Barangay Sta. Cruz niadtong Hunyo 27 aron mapalig-on ang kahibalo ug kaandam sa mga empleyado batok sa sunog ug uban pang emerhensiya.
Ubos sa liderato ni Acting City Fire Marshal FSINSP Rommel M. Rojas, naghatag ang Shift A personnel og fire safety lecture lakip ang husto nga paggamit sa fire extinguisher ug EDITH o Exit Drill in the Home isip kabahin sa disaster preparedness training.
Gilauman sa Bureau of Fire Protection nga pinaagi sa maong kalihokan, mas maandam ang mga empleyado sa hustong pagresponde kon adunay sunog o medikal nga emerhensiya sa ilang pinuy-anan o lugar sa trabaho.
Gipasalamatan usab sa Dapitan City Fire Station ang SHELL-Dapitan Branch tungod sa aktibong partisipasyon ug kooperasyon niini sa pagpalambo sa kultura sa kaluwasan ug kaandam sa komunidad.(JENIFFER JR. DELICA)
Source: BFP R9 Dapitan City Fire Station