Nakiisa ang Salug District Jail sa pagsaulog sa Nelson Mandela International Day 2026 pinaagi sa pagpahimutang og tarpaulin isip pagpasidungog sa kamahinungdanon sa pagpanalipod sa katungod ug dignidad sa Persons Deprived of Liberty o PDL.
Gipahigayon ang kalihokan ubos sa pagpangulo ni Jail Senior Inspector Rolly L. Paner, Acting Jail Warden, isip kabahin sa kampanya sa Bureau of Jail Management and Penology sa pagpalig-on sa makatawhanon nga pagtratar sa mga PDL.
Gipasiugda sa Salug District Jail nga ang maong selebrasyon nagpakita sa ilang padayon nga pagsunod sa Nelson Mandela Rules, nga naghatag og giya sa pagrespeto sa katungod, dignidad ug hustong pag-atiman sa mga Persons Deprived of Liberty.
Pinaagi sa maong inisyatiba, gipalig-on sa Salug District Jail ang ilang pasalig sa makiangayon ug makatawhanon nga pagdumala sa mga Persons Deprived of Liberty samtang nagpadayon sa pagpatuman sa ilang mandato.(JENIFFER JR. DELICA)
Source: Salug District Jail- BJMPR9