Miduaw sa Salug Municipal Fire Station ang mga aplikante sa Bureau of Fire Protection o BFP aron mosumite sa ilang mga kinahanglanong dokumento ug moagi sa Body Mass Index o BMI measurement isip kabahin sa proseso sa aplikasyon.
Gidawat sa mga personnel sa estasyon ubos sa pagpangulo ni Senior Fire Officer 4 Roseller P. Taleon, Acting Municipal Fire Marshal, ang mga aplikante samtang gidasig silang ipadayon ang ilang pangandoy nga mahimong bombero pinaagi sa determinasyon, disiplina ug pagpaningkamot.
Gipahinumdoman usab sa BFP ang publiko nga walay bayranan ang pag-aplay isip Fire Officer ug giawhag ang mga aplikante nga dili magpailad sa mga tawong mangayo og kuwarta baylo sa recruitment o appointment.
Padayon ang pagdawat sa online application ug pagsumite sa mga requirements hangtod sa Hulyo 20 alang sa mga gustong mahimong kabahin sa Bureau of Fire Protection.(JENIFFER JR. DELICA)
Source: Bfp Salug