Nakahipos og pito ka sako nga basura ang mga personnel sa Salug District Jail atol sa clean-up drive nga gipahigayon gawas sa jail premises isip kabahin sa ilang kampanya alang sa limpyo ug himsog nga komunidad.
Gipangunahan ang kalihokan ni Acting Jail Warden JSINSP Rolly L. Paner uban sa 21 ka personnel nga aktibong miapil sa pagpanglimpyo sa maong lugar.
Gipakita sa mga jail personnel ang panaghiusa ug disiplina pinaagi sa ilang boluntaryong pag-apil sa kalihokan aron mapadayon ang kahinlo ug kaluwasan sa palibot.
Sumala sa Salug District Jail, ang maong inisyatiba nagpalig-on sa ilang responsibilidad dili lamang sulod sa pasilidad kondili usab sa pag-atiman sa komunidad ug kinaiyahan.(JENIFFER JR. DELICA)
Source: Salug District Jail- BJMPR9