Nagpahigayon og coastal clean-up activity ang mga personnel sa Liloy District Jail isip kabahin sa ilang paningkamot sa pagpanalipod sa kinaiyahan ug pagserbisyo sa komunidad.
Gipangunahan ang kalihokan ubos sa liderato ni JCINSP Joseph Rey M. Lendio diin hiniusang nanglimpyo ang mga personnel sa baybayon pinaagi sa pagpanghipos sa mga basura ug pagmintinar sa kahinlo sa daplin sa dagat.
Tumong sa maong inisyatiba nga mapalambo ang disiplina sa kalimpyo ug mapataas ang kahibalo sa publiko bahin sa kaimportante sa pag-atiman sa atong baybayon ug kinaiyahan.
Gipakita usab sa Liloy District Jail nga gawas sa ilang katungdanan sa public service, aktibo usab sila sa mga programa nga makatabang sa paghimo og limpyo, luwas ug himsog nga komunidad.(JENIFFER JR. DELICA)
Source: Liloy District Jail- BJMPR9