Pormal nga mipahigayon og New Year’s Call alang sa Calendar Year 2026 ang Salug District Jail ubos sa pagpangulohan ni JCINSP Samuel A. Nasiad, Jail Warden, ngadto kang JCSUPT Amado A. Concepcion Jr., CESE, Regional Director sa Bureau of Jail Management and Penology Region 9, sa Salug District Jail, Salug, Zamboanga del Norte.
Mitambong usab sa kalihokan si JSSUPT Allan N. Vargas, Assistant Regional Director for Administration, kauban ang tanang personahe sa Salug District Jail, nga nagpakita sa panaghiusa ug suporta sa mga kawani sa BJMP.
Ang New Year’s Call nagsilbing higayon sa pagpasalamat, pagpalig-on sa katapatan, ug pag-usab sa panumpa sa serbisyo sa matag kawani sa BJMP, ilabi na sa tumong sa hapsay nga pag-atiman, rehabilitasyon, ug makataong pagtratar sa mga Persons Deprived of Liberty.
Pinaagi sa maong kalihokan, gisugdan sa Salug District Jail ang bag-ong tuig nga may lig-on nga determinasyon sa propesyonalismo, disiplina, ug kahusayan sa pagdumala sa prisohan, subay sa mandato sa BJMP sa pag-alagad sa katawhan.(JENIFFER JR. DELICA)
Source: Salug District Jail- BJMPR9