Malampusong nasikop ang usa ka Newly identified street level individual atol sa gikasa nga drug buy-bust operation didto sa Purok Rosal, Barangay Santa Filomena ning dakbayan sa Dipolog mga alas 11:51 ang takna sa kagabhion niadtong Pebrero 4,2026.
Ang maong dinakpan nga suspek naila nga usa ka 45-anyos nga lalaki, minyo, nagtrabaho motorcab driver,usa ka SLI ug residente sa Purok Bagacayan, Barangay Galas, Dipolog.
Ang pag-aresto gihimo pinaagi sa mga personahe sa Dipolog City Police Station Station Drug Enforcement Team (Lead Unit) uban sa koordinasyon sa Regional Drug Enforcement Unit 9 ug PDEA 9.
Nakumpiska gikan sa posesyon ug kontrol sa suspek atol sa operasyon mao ang nagkadaiyang heat-sealed transparent plastic sachet nga adunay sulod sa giuohang shabu isip buy-bust item usa ka P500.00 nga gigamit isip buy-bust money,Usa ka unit nga touchscreen mobile phone ug Usa ka pitaka.
Ang nakumpiska nga gidudahang ilegal nga droga adunay kinatibuk-ang gibug-aton nga MOL 1 gramo, nga adunay gibanabana nga kantidad nga P6,800.00.
Ang nakumpiska nga mga butang nga droga itugyan ngadto sa Zamboanga del Norte Provincial Forensic Unit alang sa laboratory examination.
Samtang ang dinakpan anaa karon ubos sa protective custody sa Dipolog City Police Station alang sa hustong disposisyon.(MEDALYN U. BORJA)
Source: ZNPPO