Paspas nga mitubag ang Local Disaster Risk Reduction and Management Office Tampilisan sa usa ka motor vehicular accident nga nahitabo sa Barangay Law-aan, Tampilisan, Zamboanga del Norte.
Sa ulat, ang insidente nahitabo alas 9:22 sa gabii, diin usa ka 50 anyos nga residente sa Purok Orchids, Poblacion Tampilisan, ang nakaangkon og mga pilas sa ubos nga bahin sa wala nga tiil, apil ang tuhod ug tiil.
Gihatagan dayon og agarang pag-atiman ang pasyente sa responders ug dayong gipabalhin sa Liloy Integrated Health District Hospital alang sa dugang nga medikal nga pag-atiman.
Padayon ang pahinumdom sa LDRRMO Tampilisan sa publiko nga magmatngon sa pagpanukad sa dalan ug mag-report dayon sa mga emerhensiya aron malikayan ang mas seryosong kadaot ug disgrasya.(JENIFFER JR. DELICA)
Source: LDRRMO Tampilisan