“Bayanihan para sa Matatag na Paaralan” maoy tema sa Brigada Eskwela 2026 nga giapilan sa Salug District Jail isip kabahin sa ilang suporta sa sektor sa edukasyon ug kalimpyo sa eskwelahan.
Ubos sa liderato ni Acting Jail Warden JSIINSP Rolly L. Paner, aktibong nakigbahin ang personahe sa BJMP sa kick-off ceremony nga gihimo sa Salug National High School ug Caracol Elementary School. Gitabangan sa mga miyembro sa BJMP ang pagpanglimpyo ug pagpahapsay sa palibot sa eskwelahan isip pagpangandam sa pagsugod sa klase.
Sila JO1 Aljulaika Postigo ug JO1 Kaiza Postigo maoy mirepresentar sa Salug National High School, samtang sila JO2 Jefone F. Ilao ug JO1 Excel Bait-it maoy nirepresenta sa Caracol Elementary School.
Pinaagi sa panaghiusa ug kooperasyon sa komunidad, gipadayon sa BJMP ang pagtabang sa paghimo og luwas, limpyo, ug maayong palibot alang sa mga estudyante.(IKEN B. GULLEM)
Source: Salug District Jail-BJMP R9