Malampusong naibalik kagahapong adlawa Hunyo 1, ang usa ka cellphone ngadto sa tinuod nga tag-iya nga nakit-an sa usa ka lalaki daplin sa karsada sa Brgy. Dawo, Dapitan City alas 5:10 sa hapon niadtong Mayo 28, 2026.
Ang maong cellphone giturn-over sa kapolisan ni Mr. Albert B. Daguinotas, residente sa Brgy. Potol, Dapitan City, human niya kini makit-an sa maong lugar. Pinaagi sa hustong beripikasyon ug pagpamatuod sa pagpanag-iya, nakuha pag-usab ni Mr. John Oliver Balladares, residente sa Brgy. Dawo, ang iyang cellphone.
Gidayeg sa kapolisan ang pagkamatinud-anon ni Daguinotas tungod sa iyang maayong binuhatan sa pagtugyan sa nakit-ang gamit aron kini luwas nga maibalik sa tag-iya.
Padayon nga gipasiugda sa kapolisan ang importansya sa pagkamatinud-anon ug kooperasyon sa komunidad alang sa malinawon ug matinud-anong serbisyo publiko.(IKEN B. GULLEM)
Source: PNP Dapitan City Police Station