Nakigbahin ang Salug Municipal Fire Station sa kick-off parade sa 52nd Nutrition Month Celebration niadtong Hulyo 1, 2026, kauban ang lokal nga panggamhanan, mga ahensya sa gobyerno, eskwelahan ug uban pang mga stakeholders sa pagsuporta sa kampanya alang sa hustong nutrisyon ug pag-atiman sa kinaiyahan.
Kabahin usab sa selebrasyon ang aktibong pag-apil sa Salug BFP, kauban ang Bureau of Jail Management and Penology (BJMP) ug Philippine National Police (PNP), sa nagkalainlaing kalihokan ug friendly competitions nga giandam sa Municipal Nutrition Committee, lakip ang Best Booth ug Best Appetizer Dish contests.
Pinaagi sa maong mga kalihokan, gipakita sa mga partisipante ang ilang panaghiusa, pagkamamugnaon ug dedikasyon sa pagpasiugda sa hustong nutrisyon, panglawas ug pag-atiman sa kalikupan isip kabahin sa pagpalambo sa mas lig-on ug mas himsog nga komunidad.
Matud sa Salug Municipal Fire Station, magpadayon kini sa pagsuporta sa mga programa nga nagpalambo sa panglawas, nutrisyon, pagpanalipod sa kinaiyahan ug kalamboan sa komunidad.(JENIFFER JR. DELICA)
Source: SALUG Bfp