Nagpahigayon og coordination meeting ang Dapitan City Fire Station ug ang Land Transportation Office (LTO)–Dapitan Extension Office niadtong Hulyo 1, 2026 aron palig-onon ang implementasyon sa Memorandum of Understanding (MOU) tali sa Bureau of Fire Protection (BFP) ug LTO.
Gipangulohan ni FSINSP Rommel M. Rojas, Acting City Fire Marshal, ang maong panagtigom nga nagtumong sa pagpalig-on sa koordinasyon sa duha ka ahensya isip kabahin sa direktiba gikan sa Office of the Provincial Fire Marshal ngadto sa tanang city ug municipal fire stations.
Tumong sa maong kasabutan ang pagpalambo sa inter-agency cooperation ilabina sa pagpatuman sa mga programa sa vehicle safety regulation, road crash rescue operations ug traffic disaster management aron mas mapalig-on ang kaluwasan sa publiko.
Matud sa BFP, ang padayon nga panagtambayayong sa LTO magpalig-on sa emergency preparedness ug maghatag og mas episyente ug mas paspas nga serbisyo alang sa pagpanalipod sa kinabuhi ug kaayohan sa komunidad.(JENIFFER JR. DELICA)
Source: BFP R9 Dapitan City Fire Station