Nagpahigayon og coordination visit ang Dapitan City Fire Station ngadto sa Philippine Coast Guard (PCG) Station–Zamboanga del Norte niadtong Hunyo 30, 2026 aron mapalig-on ang implementasyon sa Memorandum of Understanding (MOU) tali sa Bureau of Fire Protection (BFP) ug PCG.
Gipangulohan ni FSINSP Rommel M. Rojas, Acting City Fire Marshal, ang maong kalihokan isip kabahin sa direktiba sa Office of the Provincial Fire Marshal nga nagmando sa tanang city ug municipal fire stations nga makigkoordinar sa ilang tagsa-tagsang PCG units.
Tumong sa panagtambayayong ang pagpalig-on sa koordinasyon sa duha ka ahensya sa mga aspeto sa public safety, maritime disaster response, search and rescue operations, firefighting ug port security, HAZMAT incident response, cross-training, capacity building, ug humanitarian assistance ug disaster response sa komunidad.
Matud sa BFP, ang maong partnership magpalig-on sa emergency preparedness ug mas episyenteng paghatag og serbisyo, samtang gipalambo ang kahandam ug kaluwasan sa mga komunidad nga ilang gialagaran.(JENIFFER JR. DELICA)
Source: BFP R9 Dapitan City Fire Station