Mi-courtesy Call ang Safety and Security Supervisor, West, North, and Central Mindanao, kauban niini ang Head Security sa ilado ug dako nga tindahan sa dakbayan, ngadto sa buhatan ni Dapitan City Police Station, Officer-In-Charge Pltcol. Eva Joy E Capurcos, didto sa Barangay Dawo sa nasangpit nga Syudad, kagahapong adlawa Setyembre 11, 2025.
Nasayran nga ang nasangpit nga mga personahe nga mi-bisita sa buhatan sa Hepe sa Kapulisan sa Dapitan, gi-langkuban nila ni Mr. Markel Briones, ang Supervisor sa Safety and Security, sa West, North, ug sa Central Mindanao, lakip usab niini ang Hepe sa mga Security Guard sa ilado og dako ng Tindahan sa Dapitan.
Tumong sa gipahigayon nga pagbisita sa naasoy nga mga opisyal sa mga Security Guard ngadto sa buhatan ni Pltcol. Capurcos, aron ilang personal nga mapadangat niini, ang ilang lig-on nga suporta sa mga programa sa kapulisan sa maong dakbayan, may kalabotan sa Seguridad sa Publiko, alang sa Kahapsay ug Kalinaw sa tibuok bahin sa Syudad sa Dapitan.
Lakip usab nga gipadangat sa maong mga opisyal, ang ilang hugot nga mga pag-patuman sa Seguridad sa mga Customer nga anaa sulod sa Premises sa matag pasilidad nga maoy sakop sa ilang Area of Responsibility (AOR).
Base usab sa datos sa Dapitan Pnp, nga ubos ang Rating’s sa insidente sa kasamok sa matag establishments sa sentrong bahin sa nasangpit nga dakbayan, diin matud pa, resulta kini sa lig-on nga pagpatuman sa Security Protocol’s, tali sa Pnp ug sa mga Security Personnels.(Julius Esmade)