Tugpa sa Prisohan ang usa ka Top 1 Most Wanted Person Municipal Level, tungod sa Krimen nga Attempted Murder, pinaagi sa gipahigayon nga Joint Law Enforcement Operation, nga gipangunahan sa mga personahe sa Roxas Municipal Police Station (RMPS), didto sa Purok 5, sa Barangay Cogon, ning dakbayan sa Dipolog, niadtong nakalabay’ng adlaw, Setyembre 08, 2025, sa may alas 6:20 sa sayong gabie.
Giila sa Roxas Pnp ang dinakpan sa Alyas nga Gaga, 46 anyos, minyo, mag-uuma ug Lumolupyo ra usab sa Lugar nga gipahigayonan sa nasangpit nga Operasyon, diin gisikop ang maong suspetsado, pinasikad sa Warrant of Arrest sa Krimen nga Attempted Murder, nga naka doket ubos sa Criminal Case No. 28232, nga giisyu ni Cherry Joy Carlotto Concha-Ageas, ang Presiding Judge sa RTC, 9th Judicial Region, Branch 10, Dipolog City, Zamboanga del Norte, penitsahan og Setyembre 08, 2025.
Adunay gi-rekomendar nga piyansa ang korte nga nagkantida og Php120,000.00 alang na sa iyang temporaryong kagawasan, samtang ang nahisgutang dinakpan, atua gipadala sa CIDG Zamboanga del Norte PFU, alang na sa dokomintasyon ug alang na usab sa tukmang disposisyon.(Julius Esmade)
Source: ZNPPO