Gipahigayonan og Seminar kabahin sa Bangus Culture and Proper Feeding, ang mga Fish Operator sa Dapitan, didto sa Amphitheater, sa Dapitan City Government Center, niadtong nakalabay’ng adlaw, Setyembre 10, 2025.
Ang nasangpit nga Seminar, nagmalampuson, pinaagi sa kompaniya sa Feeds Corporation, katimbayayong ang City Government sa Dapitan, pinaagi sa buhatan sa City Agriculture, ubos sa pagpanguna ni Agriculturist Cyril Patangan.
Nasayaran nga atol sa nasangpit nga Seminar, mi-paambit usab sa iyang mensahe si Mr. Alvin Navarro, isip Resource Speaker sa maong Programa, diin gibutyag usab niini ang insaktong pag-atiman sa Bangus, diin buhaton kanunay ang insaktong pagpakaon, alang sa Sustainable Bangus Culture.
Gikalipay usab sa mga partisipante, sa naasoy nga Seminar, ang maong Programa, tungod kay gitugyanan sila sa maong kaalam, sa insaktong mga pag-atiman sa Bangus, nga maoy, labing maayong buhaton nga livelihood, aron maseguro ang Food Security sa ilang Kimonidad.
Labing gipasalamat sa nahisgutang mga partisipante, si Mayor Evelyn T. Uy, tungod sa iyang gibuhat nga pagpaningkamot, nga molambo ang panginabuhian sa mga mag-uuma ug mga Fisherfolks sa Dakbayan sa Dapitan, pinaagi usab sa buhatan sa Agricultura nga gipangunahan ni City Agriculturist Patangan.(Julius Esmade)
Source: CITY GOVERNMENT OF DAPITAN