Nagpagawas og safety advisory ang lokal nga gobyerno sa Dapitan alang sa umaabot nga Bangkarera: Local Pumpboat Race 2026 nga pagahimoon karong Domingo, Abril 5, 2026, isip kabahin sa selebrasyon sa Easter Sunday.
Sumala sa pahibalo, magsugod ang kalihokan alas 7:00 sa buntag hangtod alas 2:00 sa hapon. Niining panahona, gihangyo sa City Government sa Dapitan ang publiko nga likayan ang paglangoy duol sa gitakdang ruta sa lumba sa mga pumpboat aron malikayan ang posibleng disgrasya.
Gidasig usab ang mga ginikanan ug tigbantay nga magpahimulos og dugang pag-amping ug pagmonitor sa ilang mga anak samtang nagpadayon ang kalihokan.
Ang maong lakang gituman aron masiguro ang kaluwasan sa tanang partisipante ug mga bisita, ingon man aron mapadayon ang hapsay nga dagan sa lumba. Human sa programa, mobalik na sa normal ang paglangoy sa maong lugar.(IKEN B. GULLEM)
Source: City Government of Dapitan