Gisusi sa kapulisan ang kahanduman sa ilang pwersa atol sa usa ka “red teaming inspection” nga gipangunahan ni PLTCOL Julpikar P. Sitin sa Camp 449, Barangay Fatima, Liloy niadtong Abril 3, 2026 sa sayong buntag.
Base sa report, gilantaw sa inspeksyon ang hustong pagdeploy sa mga personahe, ang kahimtang ug inventory sa mga gi-isyu nga armas, ug ang pagsunod sa polisiya sa husto nga uniporme ubos sa “LOI Tamang Bihis.”
Nakigpulong usab si PLTCOL Sitin sa mga miyembro sa 2nd Zamboanga del Norte Police Mobile Force Company (ZNPMFC), diin iyang gipasiugda ang papel sa mobile force sa pagdumala sa seguridad, apil na ang operasyon batok sa mga high-value targets pinaagi sa koordinasyon sa ubang police units.
Gipasabot usab niya ang kahinungdanon sa “7S” sa ISO 9001 sa pagpalig-on sa organisasyon ug disiplina sa serbisyo, samtang gidasig ang mga personnel nga magmatngon sa paggamit sa limitadong resources tungod sa nagpadayon nga krisis.
Sa maong higayon, gimandoan ni Sitin ang mga pulis nga palig-onon ang preventive patrols ug magpabiling alerto aron malikayan ang krimen, ilabina karong Semana Santa, diin gilauman ang pagdagsa sa mga tawo sa relihiyosong kalihokan.(IKEN B. GULLEM)
Source: Zamboanga del Norte 2nd PMFC