LILOY, ZAMBOANGA DEL NORTE — Nagpahigayon og Creative Skills Training ang Liloy District Jail nga nagtutok sa “Introduction to Diamond Painting” isip kabahin sa ilang programa sa pagpalambo sa abilidad ug rehabilitasyon.
Gipangulohan ni JCINSP Joseph Rey M. Lendio, ang maong kalihokan gipasiugdahan ni JO1 Julie S. Gandipon, diin gitudloan ang mga partisipante sa batakang pamaagi sa diamond painting isip usa ka paagi sa pagpahayag sa ilang kaugalingon.
Tumong sa maong training ang pagpalambo sa pagkamamugnaon, pasensya, ug konsentrasyon sa mga partisipante, samtang naghatag usab kini og produktibong kalihokan sulod sa pasilidad.
Sumala sa pamunuan, padayon ang ilang suporta sa mga programa nga nagpalig-on sa holistic development ug rehabilitasyon aron matabangan ang mga indibidwal nga mahimong mas produktibo ug andam sa pagbalik sa komunidad.(JENNIFER JR. DELICA)
Source: Liloy District Jail-BJMPR9