Gipahigayon sa Zamboanga del Norte 2nd Provincial Mobile Force Company ang sabay-sabay nga checkpoint sa ilang Area of Responsibility (AOR) ubos sa pagdumala ni PLTCol Edwin D Verzon aron masiguro ang kahusay ug proteksyon sa komunidad.
Gipahimutang ang mga personahe sa stratehikong lugar aron bantayan ang trapiko, tabangan ang mga nanginahanglan, ug pugngan ang posibleng insidente.
Kini nga operasyon nagpalig-on sa presensya sa kapulisan ug naghatag og dugang seguridad sa katawhan sa tibuok AOR.
Matud sa opisyal, ang maong kalihokan dili lang bahin sa pagpangbantay kondili usa ka lakang sa pagtukod og lig-on ug mas luwas nga komunidad.
Ang checkpoint nagpamatuod sa padayon nga paningkamot sa ZN 2nd PMFC sa pagpalig-on sa seguridad ug pagserbisyo sa publiko alang sa ilang kaluwasan.(IKEN B. GULLEM)
Source: Zamboanga del Norte 2nd PMFC