Gipakita sa Dapitan City Shriners ang kusog nga talento human gipildi nila ang walo ka lain-laing division sa 2026 Regional Festival of Talents sa RT Lim, Zamboanga Sibugay, nga naghatag kanila og multiple slots padulong sa national level.
Nanguna sa kalampusan ang mga estudyante sa Dapitan City Central School sa STEMazing–Elementary Category, sila Kurt Aldrick A Tabasa ug Abcdef C Tagulob nga nakakuha og 92 puntos ug nahuman ang teknikal nga hagit sulod sa 1 oras ug 20 minutos, ubos sa giya ni Julro E Gahisan.
Ang kalampusan sa STEM misunod sa arts ug literary categories, diin nakadaog si Agnis S Torquido sa Storytelling, si Jade Dren I Dagpin sa Sound Effects, ug si Mary Arabella N Pinero sa Pintahusay.
Gibutyag ni Jay S Montealto nga ang Dapitan City nagpakita og lig-on nga performance sa technical ug creative skills, nga nagpalahi kanila gikan sa ubang dibisyon ug naghatag inspirasyon sa tanang estudyante sa rehiyon.
Ang pagkadaog sa walo ka division nagpasabot nga ang Dapitan City andam na sa nasudnong kompetisyon, dala ang kahanas ug determinasyon sa ilang mga estudyante.(IKEN B. GULLEM)
Source: DepEd Tayo-Division of Dapitan