Naghiusa ang mga runners sa Dipolog City sa Run for Water Marathon 2026 ADULTS EDITION nga gipahigayon niadtong Mayo 3, 2026 sa D’Food Hub sa Dipolog City Boulevard.
Gipangunahan ang maong kalihokan sa Dipolog City Water District uban sa pakigtambayayong sa City Government of Dipolog ug nagkadaiyang sponsors, diin mitambong ang mga partisipante gikan sa lain-laing bahin sa syudad.
Nagpaila sa kusog nga partisipasyon ug panaghiusa ang kalihokan samtang ang matag lakang sa mga runners nagsimbolo sa suporta alang sa water conservation ug himsog nga panglawas.
Mitambong usab si City Councilor Kenny Val U. Ong ug DCWD General Manager Engr. Ruel D. Tabada nga naghatag og mensahe bahin sa kahinungdanon sa panaghiusa sa komunidad aron mapalambo ang kahibalo sa pagpanalipod sa kinaiyahan ug wellness sa katawhan.(JENIFFER JR. DELICA)
Source: Dipolog City Government