Malampusong napahigasyon sa kawani gikan Commission on Elections (COMELEC) ang usa ka On-Site Registration Activity sulod sa pasilidad sa BJMP Dipolog City Jail Male Dormitory kaniadtong Mayo 1,2026.
Ang maong rehistrasyon gihimo uban sa paggiya ug pagtugot ni JCINSP JONATHAN N ARAWANGSA ,Jail Warden, ug ubos sa pagdumala ni JINSP LARRY C RECAMARA , Assistant Warden, diin kini nga inisiyatiba giorganisar aron mapasayon ug mapadali ang pagrehistro sa Persons Deprived of Liberty (PDLs) ug BJMP personnel alang sa umaabot nga Barangay ug Sangguniang Kabataan Elections (BSKE) 2026.
Pinaagi niini, ang mga Persons Deprived of Liberty (PDLs) lakip ang ang mga personahe sulod sa pasilidad dali nga maapil sa proseso sa eleksyon sa ingon niining pamaagi mapasiugda ang dignidad sa tawo, mapadali ang sosyal nga reintegrasyon, ug ma-ugmad ang aktibong pagkalungsoranon.
Usa ka labing mahinungdanong inisyatiba tungod kay gipanalipdan niini ang sukaranang pag apil sa pagboto alang sa pagsiguro sa demokratikong katungod.(MEDALYN U. BORJA)
Source: BJMP Dipolog City Jail MaleDormitory