DIPOLOG CITY — Puno sa kusog, kalipay, ug panaghiusa ang “Run for Mom 2026” Mother’s Day Fun Run ug Mini Raffle nga gipahigayon niadtong Mayo 17, 2026 sa D’ Food Hub and Events Center sa Dipolog Boulevard.
Gitambongan kini sa mga inahan, pamilya, ug fitness enthusiasts isip kabahin sa selebrasyon sa Mother’s Day ug 27th P’gsalabuk Festival nga nagpadayon gikan Mayo 15 hangtod 24.
Gipangulohan ang maong kalihokan sa Multidimensional Assiduous Mothers Association (MAMA) uban sa pakigtambayayong sa City Government of Dipolog, samtang si Atty. Elro Mar Tabiliran maoy representante ni City Mayor Roberto Y. Uy atol sa aktibidad.
Labaw pa sa usa ka fun run, ang maong kalihokan nagsilbing tribute sa mga inahan ug sa ilang dakong papel sa komunidad pinaagi sa pagpalambo sa wellness, family bonding, ug panaghiusa atol sa kasaulogan sa siyudad.(JENIFFER JR. DELICA)
Source: Dipolog City Government